韓國人氣男團 NCT DREAM 昨晚於亞博舉行一連兩場THE DREAM SHOW 2 in HONG KONG 演唱會,第一次踏上香港舞台,NCT DREAM 七子都十分興奮雀躍,一開場就勁歌熱舞讓歌迷瘋狂尖叫。

七仔一口氣又跳又唱《Glitch Mode + Outro》《Countdown  (3, 2, 1)》《Stronger》,歌畢已滿身大汗,繼而用廣東話、韓文,英文跟香港歌迷打招呼,「大家好嗎?」「我好掛住你地啊」「好靚」都識講,令現場歡呼尖叫連連,接著三子又再落力跳唱了多首大熱歌曲,現場歌迷都邊叫邊大合唱,氣氛高漲。
為了今次香港演出,NCT DREAM 每人也非常用心,學了不少廣東話、普通話等跟歌迷 溝通。演唱會到尾聲,七子再停下來跟大家聊天,辰樂跟現場觀眾傾談,現場歌迷不停大叫high到爆,他也跟著HIGH一下,叫大家叫他的名字,全場萬多人馬上起哄一起大嗌「辰樂」,讓他十分開心,更一臉陶醉說:「第一次在家鄉給大家表演,很激動很開心,大家玩得開心嗎?我玩得非常非常開心,跟大家一齊唱歌一齊跳舞一齊high,真的是非常幸福的事情,感謝大從頭high到尾,也是因為大家,從只有一場演出變到現在兩場演出,感謝你們!」

接著楷燦也問:「大家今晚開唔開心呀?我地隔了一段時間先嚟到香港,我哋好想大家開心呀,大家覺得點啊?我相信下次我哋再嚟嘅時間會好快,首先多謝大家今日嘅蒞臨,我哋聽日嘅演出都會順利進行到嘅,我哋下次再見!」,志晟說 :「首先呢今日好多謝大家enjoy我哋嘅show」然後他問大家: 「大家明天去哪裏?有冇邊個聽日都嚟睇㗎?」聽到全場和應,他開心笑道,「聽日再嚟嘅fans要多多指教,今天很開心啊」 

渽民也跟大家打招呼「大家好,我是羅渽民,你們又漂亮又可愛,我愛你!」冧爆現場粉絲,叫聲震裂整個場館,「首先好多謝大家,我哋啲歌由頭到而家呢一刻都跟住我哋一齊唱」,在fans不停又大叫要求渽民表演撒嬌,他也有求必應做出多個撒嬌動作!電到粉絲暈低。他又接著說,「因為大家俾咗好多力量同動力我哋,今日演唱會稍後完結,希望大家返屋企嘅路段安全回家,因為大家係最重要嘅,大家今日辛苦晒,大家今日都好靚呀」而Jeno就直言覺得非常開心,坦言過去日子,是非常希望可以到香港跟歌迷見面:「唔好意思到而家先嚟到呢度,不過希望以後 多啲機會同大家見面,其實我哋之間遠又唔算遠,近又唔算近,希望我哋互相比到動力對方,你們真的很漂亮!謝謝」 

23/3是仁俊的23歲生日,演唱會到最後,全場歌迷為他一起唱了生日歌,令他又開心又感動,「已經八年啦,終於嚟到香港開演唱會啦,終於可以跟大家見面,昨天正好是我生日,今天就能來到香港跟大家見面及開演唱會,我真的覺得今天非常的特別,真的很感謝大家這八年一直等着我們,我想之後我們會有更多的機會,多多來跟大家玩,非常非常感謝大家,我真的非常愛你們!」

Mark就表示沒想到可以在香港開到兩場演唱會,又說 : 「你們的愛是特別的,你們不會忘記我們一直感謝你們」

今次是亞博首次韓星演唱會設有企位,七子最後更不讓歌迷失望,走到舞台每個角落親近粉絲,粉絲們也把握機會把很多的公仔禮物拋到台上,仁俊展示收到手工精緻的生日咭,樣子非常幸福滿足。

留言