170625 MAMAMOO 마마무 – 樂天簽名會加Busking
MAMAMOO於25日在樂天舉行了公開場簽名會，事後更在現場舉行Busking，場面儼如舉行了小型演唱會，現場吸引了大批圍觀者，場面熱鬧。 攝/Echo 文/Echo
[韓流快報] 來韓留學須知 (給香港人看的資訊)
因應太多人單獨來問我實際上點樣先可以黎到韓國呢到讀書/留學,亦都見好似冇咩香港人打呢類相關資料((多數都係台灣人同內地人打)), 於是就決定好用心咁將所有特別須知打晒出黎,煩請用心睇晒佢,真係睇晒諗唔明就留CM俾我啦 ~~
!!2017年4月18日更新!!
以下內容如要轉載,請註明出處。
首先,本人再一次強調, 我依家所讀既只係大學入面附屬既語言學堂, 所學只係純韓文, 唔算係大學生。好啦,依家開始介紹......
1) 揀學校
有人問我點先揀到你心儀既學校, 用啲咩準則去揀,...........呃, 其實呢啲好睇你自己個人想要啲咩....
當初我揀高麗大學, 只不過係因為有朋友會一齊黎, 有個伴起碼爸爸媽媽佢地會安心啲, 同埋聽講高麗大啲老師好好人, 功課量適中, 加上上網睇到學校既環境幾吸引, 所以我揀咗高麗大。
邊啲學校著重教啲咩, 學校學啲咩我就唔多講啦, 因為我只係讀緊一間學校, 冇得比較。 如果你係想知你果間學校係點, 你不妨上佢地既官網睇, 有啲都會有中文介面, 冇既都有英文, 唔洗驚睇唔明。
2) 入學條件
其實呢啲資料學校官網上已經有,...
