韓國男子組合BTOB成員陸星材首個香港個人粉絲見面會2018 “Paradise”Fan Meeting in Hong Kong 於昨晚(19日)在香港麥化臣場館舉行。
見面會上同粉絲大玩遊戲, 其中估歌仔環節更令星材展示多首即興唱廣東歌, 星材亦都樂在其中, 翻唱多首經典歌曲包括：《多啦A夢》、《櫻花樹下》、《帝女花》、《囍帖街》、《無盡》、《長相廝守》、《當年情》、《美少女戰士》、《浮誇》和《陽光點的歌》, 遊戲結束後星材意猶未盡即場要求加多一首給予全場勁猜, 當星材於台上鬼馬地「唏呀唏呀唏！」時, 大家都估到就係家燕姐嘅《皆大歡喜》, 可以聽到星材唱咁多首名曲, 真係相當有親切感。
另外星材更為香港粉絲準備咗兩首國語歌曲包括薛之謙的《醜八怪》、及周杰倫的《告白汽球》現場所聽星材不但發音準確, 而且唱功亦相當了得, 看得出星材為是次見面會落足心機, 可謂誠意十足。
攝/Echo 文/Echo
留言
