分類存檔:旅遊/Travel

【韓國直擊】ONCE必去!TWICE期間限定POP UP Store 

ONCE(TWICE粉絲名)們在韓國嗎?如果在韓國的就絕對不可以錯過TWICE期間限定的POP UP Store啊!因為展期由8月3日至25日而已。K-Star HK小編當然也要到場,為大家分享一下店內的好物啊!

店內除了有各式官方周邊和專輯外,更有成員親自設計的商品選購!此外更有多個打卡位,還沒去的ONCE記得不要錯過啦!提提大家,只要在店內購買滿3萬圜的話,仲會隨機送上官方成員個人透明小卡一張。快點記下資料吧!

地址:首爾特別市江南區狎鷗亭路12街42
開放日期:即日至2019年08月25日
開放時間:
– 星期日到四:1100-2100
– 星期五、六:1100-2200

韓國賞櫻花新體驗? 4月必去慶州櫻花馬拉松

3、4月份去韓國當然想看櫻花,在韓國又怎少得在美麗如畫的櫻花景致下打卡呢?今次K-Star HK就為大家介紹一個更特別的活動,讓各位韓迷可以有一個難忘的體驗,就是去慶州參加一年一度的「櫻花馬拉松」。

「第28屆慶州櫻花馬拉松大會」將於4月6日早上8點舉行,由普德洞居民服務中心旁的直升機場出發,分有4個賽事,分別為全馬拉松、半馬拉松、10公里跑和5公里跑。即使你是外國人,在今次的賽事中也可以和當地人一起在櫻花樹下完成馬拉松的啊!唯全馬拉松賽事要求參加者必須滿18歲。

(賽事地圖)

報名費:
全馬拉松、半馬拉松、10公里跑:30000韓圜
5公里跑:20000韓圜
傷殘人士參加所有項目:15000韓圜

完成賽事就可以得到這個獎牌了!
參加者可得到的紀念品。

「第28屆慶州櫻花馬拉松大會」將會在3月15日截止報名了!想參加的朋友記得要把握時間報名啊!

追星一族一定要知道的, 位置超便利的相機街!!!不要再傻乎乎的去龍山啦!

作為追星一族的迷妹迷弟們, 去到韓國當然少不了去追星, 而追星各位朋友相信有很多也會帶備很多相機器材, 希望幫自家偶像拍下最美一面, 那麼如果去到韓國發現需要即時購買相機配件, 甚至相機, 想去龍山那怎麼辦呢?? 文/Echo

相機街周邊商店

小編就帶你去位於南大門相機街!!!話說小編會知道這個地方就是因為這一次前往拍攝首爾時裝週時, 相機的閃光燈出了點意外, 再查找下就發現了這個救了我一命的地方, 價錢合理 ((因為小編那時候要買的東西比我預算便宜了很多, 可能有其他會比較貴/便宜, 這個看你自己格價能力與接受程度了。)) , 配件也齊存, 誠意推薦, 由於這裡的店多賣的是二手,中古等貨品,有時間的話去格價, 去尋寶也是一個不錯的選擇喔!! 

相機街周邊商店

相機街近禮門附近, 於南大門的一條外街, 在南大門地下商街2號出口, 一出就到相當易找, 步出後你便會看到一整條街, 約有10多間店都是賣相機以及相機相關用品, 非常方便, 個人覺得比龍山電子商城好太多, 至少容易找到, 不用走太多路, 便利得多。

((注意: 南大門大部份營業時間為09:00 – 20:00 ,周日時間大多數也是休息的, 記得注意去的時間喔!!

弘大直擊KAKAO FRIENDS CONCEPT MUSEUM期間限定KAKAO FRIENDS GAME免費開放遊戲展覽!!

開放期間: 2018.10.06 – 2019.03.31

開放時間: 每日11:00-20:00 (最後入場時間 19:30) , 每月最後的星期一, 休館

費用: 全免

地點: 弘大KAKAO FRIENDS CONCEPT MUSEUM (B1/F)

位置就係弘大KAKAO FRIENDS商店隔離, 見到電梯落去就係架啦!!

位於弘大的韓國人氣商店 KAKAO FRIENDS, 旁邊的KAKAO FRIENDS CONCEPT MUSEUM早前舉行的展覽一直要付費才能進內館看, 但是從本月起至明年331, 將會免費開放首個遊戲展覽, 讓我們可以嘗試一系列遊戲體驗!! 文/Echo

落到去見到呢隻可愛既Ryan就到啦~~

館內分別有三大遊戲體驗區, 分別有人氣遊戲食雞PUBG MOBILE, 仲有 Friends Racing 同黑色沙漠

通過呢條夢幻通道, 就可以進入遊戲展覽區!

首先, 我們通過一個迷幻的通道, 進入館區第一個體驗區, 隨即就遇上毒圈!! 趕快進入安全區後, 就可以親身利用VR體驗”食雞”既緊張感!!

毒圈呀!!!快啲進入安全區!!!
利用VR親身體驗”食雞”時跳降落傘既快感啦!!

之後就到Friends Racing, 可以聯同朋友一齊鬥車!!

同朋友一齊玩當然先係最開心!!
玩完之後仲可以上台拎獎影相!!

最後到黑色沙漠, 就可以同遊戲角色一齊合照!!

有多款合照款式, 呢到都可以玩好耐啦!!!

館內仲有好多打卡位, 趁免費開放期間赴韓既朋友記得唔好錯過啦!!!

 

[韓流快報] 來韓留學須知 (給香港人看的資訊)

 因應太多人單獨來問我實際上點樣先可以黎到韓國呢到讀書/留學,亦都見好似冇咩香港人打呢類相關資料((多數都係台灣人同內地人打)), 於是就決定好用心咁將所有特別須知打晒出黎,煩請用心睇晒佢,真係睇晒諗唔明就留CM俾我啦 ~~

!!2017年4月18日更新!!

以下內容如要轉載,請註明出處。

首先,本人再一次強調, 我依家所讀既只係大學入面附屬既語言學堂, 所學只係純韓文, 唔算係大學生。好啦,依家開始介紹……

1) 揀學校

有人問我點先揀到你心儀既學校, 用啲咩準則去揀,………..呃, 其實呢啲好睇你自己個人想要啲咩….

當初我揀高麗大學, 只不過係因為有朋友會一齊黎, 有個伴起碼爸爸媽媽佢地會安心啲, 同埋聽講高麗大啲老師好好人, 功課量適中, 加上上網睇到學校既環境幾吸引, 所以我揀咗高麗大。

邊啲學校著重教啲咩, 學校學啲咩我就唔多講啦, 因為我只係讀緊一間學校, 冇得比較。 如果你係想知你果間學校係點, 你不妨上佢地既官網睇, 有啲都會有中文介面, 冇既都有英文, 唔洗驚睇唔明。

2) 入學條件

其實呢啲資料學校官網上已經有, 不過值得留意既係, 我地要睇既係一般外國人既入學條件, 而唔係中國人果欄, 同埋上面寫既身元擔保證書係唔洗理既, 只要你有足夠既存款證明就得。

入學基本所需資料如下:

((不同學校既需要可能會有稍微不同, 請自行看請楚自己心儀學校的要求))

  • (1) 申请書(可以係學校語學堂官網上Download)
  • (2) 最终學歷證明或者在讀證明(原件,用中學畢業證書都得)[部份學校可以用副本代替,請自行查詢]
  • (3) 護照 (COPY)
  • (4) 照片 2張(3x4cm 彩色照片 [部份學校有規定埋背景顏色])
  • (5) 因簽証需要入學通知書的學生,需要提交銀行存款證明(3000 –> 9000美元以上), 銀行存款證明可到銀行前往索取, 如果係用屋企人既戶口證明, 需提交親屬關係證明。
  • [以下新增] (6) 依家我見有啲學校係規定一定要買保險, 係提交申請表時要出示埋保險證明, 至於保險有冇規定要咩類型, 間間學校可能唔同, 請自行EMAIL佢地查詢。
  • (7) 首期學費匯款, 先向學校詢問戶口詳情, 然後就直接到銀行匯款, 首期係要注册費+學期費用咁比, 如果你決定咗讀幾個學期既話, 係可以一次過交埋之後果幾個學期, 同埋申請D4簽證既話你都係要一次過報至少兩個學期以上, 先可以申請到, 如果讀完幾個學期後想再讀, 可以到時候係當地再交學費, 到時候就只需要交學費得唔洗再交注册費, D4就到時候再係領事館到延期。

如果你對你心儀學校既要求有唔明, 不妨去EMAIL佢地, 你可以用中文/英文問, 佢地會用返中文/英文回你。(以我所知梨大同高大都附有中文回覆服務)

3) 課程與費用

如果你話你對韓文其他係一竅不通/擔心要韓文 topik試要有3/4級先可以黎到讀, 咁你就錯了。

依家呢個課程係要你學韓文嘛, 唔係要你讀大學啲野, 所以就算你咩都唔識你都係可以黎讀, 簡單啲講, 你有錢就咩都搞得掂, 係咁現實架啦.

呢個課程叫 『語言常規課程』, 一年四季 春, 夏, 秋, 冬都可以開學, 分1-6級 (另附有研究班)。

一個學期大約讀3個月, 每個學期費用大約1萬2 港幣((未計住同食)), 部份學校下午班會平啲~

[[都係果句, 實際費用同開課日期請向你心儀學校查詢, 因為真係間間都有唔同]]

如果你真係一粒字都唔識, 唔洗擔心架, 由一級讀起,冇問題的。((當年我就係咩都唔識走去讀)) 😛

4) 住宿及基本生活費

又有好多人問我住宿果到點, 大約幾錢…..其實呢啲有平有貴, 都係果句視乎你要求啲咩。

係韓國, 一般有幾種宿舍可以揀 學校宿舍, 寄宿家庭, 考試院等, 費用由$2500-$8000/月以上都有, 條件愈好,價錢當然愈貴, 部分要先付巨額保證金, 而且除咗寄宿家庭外, 基本上都唔會包埋你食, 唔識煮/懶得煮既話, 杯麵會係你既好伴侶。

以我住緊 以前住過果既果幾間為例, 每月4000蚊左右, 2500-4000蚊左右既考試院都住過, 有獨廁所 ((平既冇啦)) , 有得上網同用WIFI, 提供基本食材(飯,麵,水, 泡茶….有啲貴啲咪提供多樣化啲既食材), 有時候特別節日/管理員心情好, 宿舍管理員會親自下廚免費有一餐食, 一般位置我簡既都係距離學校和地鐵站大約 10分鐘路程((行路))。

基本上, 房除咗有啲細, 空氣唔係好流通((如果你間房冇對外既窗的話)),同埋如果你果間比較多歐美人時會有機會嘈到你訓唔到之外, 呢個價錢, 我就接受到啦。

至於生活費, 其實你唔出街既話, 放學後都係返去食宿舍所提供既野既話, 基本上唔洗用錢…. 好認真, 啲錢係睇你自己點洗姐, 冇錢咪用少啲, 一餐食10蚊左右既其實都搞得掂((因人而異)), 所以真係唔好問我一個月生活費大約係幾多…我唔識答, 因為每個人消費都唔同。

5) 簽證

1.簽證申請地點:大韓民國駐香港總領事館

o 地址:5/F Far East Finance Centre 16 Harcourt Road, Admiralty,Hong Kong

香港金鐘夏慤道 16號 遠東金融中心 5樓

o 電話:+852-2862-1580,2862-1581, 2529-4141

o e-Mail:hkg-visa@mofa.go.kr

※ 查詢簽證相關問題時,須通知簽證申請者的“訪問目的,逗留期限,國籍(所持護照)”

2.簽證申請及領取時間

簽證申請 09:00~12:00(工作日)

※ 必須于早上11:30之前到總領事館才能申請簽證

領取時間 09:00~12:00, 13:30~16:30(工作日)

3.簽證審查時間及處理程序

o 簽證審查所需時間:5個工作日(如持有篩證發給認定號碼,僅需要1~2個工作日)

※ 若需補充材料或核實材料真僞,審查時間將會有所延長,因此申請時必須備妥一切所需文件

o 處理程序

— 申請:填寫簽證申請表及具備所需文件後遞交

※ 通過代理人申請時,填寫授權書(簽證申請表後面)後遞交

— 審查:核實遞交文件的有效性及根據韓國訪問目的所需文件的妥當性驗證等

— 簽發:簽證申請者本人或申請簽證的代理人攜帶申請簽證時收到的‘收據’及本人的身份證到總領事館領取簽證

※ 如未攜帶該‘收據’,必須申請簽證本人到總領事館親身領取簽證

4. 提交資料
持特區護照可以免簽90日, 所以你報讀一個學期既話, 可以唔洗申請.


報讀兩個學期以上就要申請D-4簽證。所需如下:-韓國學校入學通知
-現金: $400  –> $480

-韓國學校入學收據

-最近3果月自己/父母銀行存款証明(最少hkd$20,000以上)

(如用父母既證明, 請準備出世紙副本)

-其他護照, 相片, 身份證, AL/DSE/中學畢業證書副本

官網詳情—-> http://hkg.mofa.go.kr/english/as/hkg/visa/issuance/index.jsp

6) 出路

其實呢….出路呢啲我就講唔出架啦…….大家點解唔先諗下自己點解會想讀呢個課程呢??

讀呢個課程, 有人係為咗可以係韓國到打工, 有人係為咗可以係韓國大學到讀書, 有人只係黎玩, 有人只係黎體驗…..

都係果句, 最緊要係你想要啲咩, 你想點?? 如果你地只係見到我追星好似追得好過癮咁, 我會真係只可以講句, 「請你諗清楚先。」

追星只係我讀韓文以外既其中一個((其實可以話係唯一…因為我冇咩其他嗜好))課餘活動。

學一種語言, 你有興趣,就算幾難幾辛苦, 你都會想繼續學, 呢啲叫趣味。

如果你係冇興趣, 只係隨波逐流, 學多一兩句就想放棄,呢啲叫攞苦上身。

諗清楚, 睇真啲, 先好再決定。

有問題就留CM啦~~~有機會的話會打下我在韓國的趣聞。